RSS

Накьвадив гва гафунин сир

25 Mar
Са межлисда рикI амукьна,
Шииррин ким тир.
Зи рикI турди няметар ваъ,
Ифин тир, чим тир.
КIватI хьанавай са суфрадал,
Шиир яр ксар.
Дидедин чIал, накьвадин гьал,
РикIевай ксар.
Асеф ими, Байрам халу –
Межлисдин кьиле.
Ялав кьунвай микрофонди,
Камранан гъиле.
На лугьуди, бягьсинавай,
Шиирни макьам.
Зуз алахьиз кIарабрилай,
Хкаж хьана хам.
И юбилей, хайи чIалан
Сувар тир, сувар.
Т1ал амачир рикIин чандик
Акатна лувар.
Зар чкIизвай мецерикай
Такур жуьреда.
Эвер гана мярекатдин
Гурлу береда.
Са т1емди зи, шагь дамардай
Хкажзавай кьил.
Шукур, гъуцар агакьна мад
Гагьадарна гъил.
Галтадна саф, кьечIена гаф –
Авахьна гьуьлуьхъ…
…И легьзеда Байрам халу
Акъвазна вилик:
– Гьинавайд  я, я чан бала,
Вун и заз течир?
– Накьвадив гва, ЧIехи шаир,
И рахунрин сир.
Заман бубад* хтул я зун,
Куь илгьамдин шагь.
Чар булах я, гаф дамах я –
Гьиссерин панагь.
Няметавай, Забитавай
Кьабулна эдеб,
За Фейрузан, Муьзефферан
КIелнава мектеб.
Шаир я зун, устадривай
Чирай такабур.
Седакъета, Видадиди
Гаф лугьуз акур.
Жуван хуьре цIирна, свахна
Акъатна чиляй.
Атай кас я и дуьньядиз,
ТIаларин хъиляй.
«РикIин гафун» цlелхем я зун
КуькIуьрай куьне.
Жегьил я са, гьиссерин тIем
Хъсан я гьеле.
Advertisements
 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: